5 خطوات عشان تغير مجالك وتشتغل فى الحاجة اللى بتحبه

لو خلاص حددت ايه المجال اللى انت عايز تغير ليه بس مش عارف تاخد الخطوة دى ازاى,

فا دول 5 خطوات هتساعدك تغير مجالك,

اما لو لسة محددتش المجال اللى عايز تغير ليه, اذن تابعنا فى المقالات اللى جاية وهنقولك ازاى ممكن تعرف :)

1- اعمل بحث عن المجال ده:

ابتدى اعرف معلومات اكتر عن المجال اللى نفسك تغير ليه, ايه طبيعة الشغل فيه ايه المهارات والمؤهلات المطلوبة, وانت عندك ايه منهم وايه اللى ناقصك وهل ده فعلا المجال المناسب ليك ولا لآ؟

الموقع ده هيساعدك تعرف معلومات كتير عن اى مجال: onetonline.org

2- اشتغل على نفسك:

ابتدى اشتغل على المهارات والمؤهلات اللى نقصاك وده هيديك فرصة كويسة تتأكد فعلا ان ده المجال الانسب ليك لان سرعة استيعابك وتحصيلك للمؤهلات دى بيدل على انه مناسب اما لو لقيت صعوبة كبيرة فى انك تتعلم عن مجال معين ده معناه انك تلف وترجع تدور على مجال تانى

3- اطلب مساعدة الناس:

حاول تتكلم مع ناس شغالة فى نفس المجال ده وتفهم منهم اكتر طبيعة الشغل ومتطلباته وده هيخليك تبنى علاقات اكتر فى المجال الجديد بس خد بالك من الاتى وانت بتتعرف عليهم:

- الانطباع الاول دايما بيفرق - متطلبش من حد يشغلك - الدنيا خد وهات - اعرف عنهم قبل ما تتكلم معاهم

4- دور على Mentor:

عملية تغيير المجال صعبة وبتحتاج وقت ومجهود وعشان كده حاول تتعرف على شخص قوى فى مجالك وليه علاقات كويسة وعنده استعداد يساعدك واطلب نصايحه واستشاراته بأستمرار وده هيقصر عليك الطريق كتير,

5- خبط على كل الابواب:

ممكن متوصلش للى انت عايزه من اول مرة, لو لقيت فرصة تقربك خطوة من هدفك اقتنصها يعنى مثلا لو انت محاسب بس نفسك تغير لمجال التسويق وحاولت كتير ومش لاقى فرصة ممكن تشتغل محاسب فى شركة تسويق وده هيقربك خطوة من هدفك,

اخيرا: اوعى تيأس, الوقت والمجهود اللى هتبذله فى انك تغير لمجال بتحبه اوفر بكتير من عمرك اللى ممكن يضيع على الفاضى فى مجال ووظيفة مش مناسبة ليك وعمرك ما هتكون مميز فيها,

مفسك تغير مجالك, شركة STO بتقدملك فرصة استشارات ودورات متخصصة فى مجالات متنوعة 

تواصل على الصفحة او واتس 01010443910